美股投資指南：選股邏輯、IB 使用心得與我的實際回報
- officialcocogor
- 11月30日
- 讀畢需時 4 分鐘
（純個人經驗分享，不構成任何投資或財務建議）
我最初同好多投資新手一樣，只留意港股。慢慢地我觀察到，港股市場規模相對較細，波動受到市場活躍程度影響較大。某啲公司就算基本面唔差、盈利穩定、派息正常，股價都可能長期保持原位，反映資金流向對市場嘅重要性。
美股則完全唔同，屬於全球其中一個最大嘅資本市場，參與者包括全球性基金、退休金、機構投資者等，資金量非常龐大。當一間企業具備穩健業務或明確增長空間，市場通常較容易有相應反應，因為持續有大量分析、研究與資金在觀察。
基於以上觀察，我逐漸調整咗自己嘅資產配置，將持倉分散到唔同地區，包括：
香港市場（本地相關曝險）
美國市場（全球增長企業）
呢個只係屬於我個人嘅取向，唔代表對任何人構成建議。
立即開戶買賣美股：
巴菲特＋Peter Lynch：從生活入面揀股票
巴菲特畀咗我第一道投資啟蒙:
買本身就值錢、會持續賺錢嘅公司，唔使理短線波動，長期股價一定會跟住公司嘅實際價值上。
如果某啲產品係你、朋友、甚至全球都每日用，咁通常代表需求穩定，企業自然有成長空間。
但呢啲都係分析企業嘅其中一種方式，唔代表未來必然係咁。
直到後來我睇到 Peter Lynch，嗰種「用生活揀股票」嘅方法真係好實際。
佢點揀股？
陪老婆逛街、逛超市
留意：邊啲品牌成日有人買？
邊啲店舖人流長期爆？
然後再去研究背後邊間上市公司
理念好簡單：
「你自己每日用，你朋友每日用，全世界都用，咁嗰間公司好大機會係勁賺錢。」
勁賺錢 → 價值提升 → 遲早反映喺股價上。
佢有句說話我記咗好多年：
「最好嘅股票，其實喺你生活入面搵。」
你每日用、你朋友每日用、全世界都用——咁嗰間公司通常都會長期賺錢，而賺錢得耐，股價自然會升返去。
我實際買咗啲咩美股？*以下係我個人曾經持有過嘅股票，只係分享我當時嘅觀察與想法，唔代表任何財務建議或未來表現：
1. Google（Alphabet）
我留意佢嘅原因好簡單：身邊好多生活場景都依賴佢嘅服務，例如搜尋、地圖、影片平台等，因此我覺得佢嘅業務具備一定持續性。2. Facebook（而家 META）
Facebook、Instagram、WhatsApp 都係全球常用嘅社交平台。依賴度高嘅產品，通常令企業嘅生態較穩定，所以當時我覺得值得研究。3. NVIDIA（毒男必備股）
買入場景我記到好清楚：上年去滑雪，喺香港機場等飛機，我就喺手機度撳咗幾手 NVIDIA 入去。
無論係遊戲、AI、數據中心、自動駕駛，背後好多計算力都同 NVIDIA 有關。我當時觀察到佢喺唔同領域都佔有技術性角色，所以引起我興趣。4. Visa（V）
由現金走向電子支付係近年嘅大趨勢，而 Visa 係全球主要支付網絡之一。呢啲係我當時留意佢嘅原因。5. Square（SQ）— 美國版支付寶／微信支付
我當時見到美國好多小商戶都用 Square 嘅收款工具，加上 FinTech 趨勢強，所以覺得佢嘅模式值得理解6. Mapletree Greater China（新加坡 Reit）
呢隻係我少數唔係科技股嘅持股：
背後資產包括又一城，我自己亦經常途經，所以覺得佢屬於較易觀察的業務類型。以上只係我個人觀察，唔代表任何推薦或意見。
邏輯都係 Peter Lynch 嗰套：
「你成日行去又一城，你見唔見到佢生意差？」眼見為實，商場旺，咁房托自然賺錢。
立即開戶買賣美股：
點解我揀 Interactive Brokers（IB）買美股？
好多人第一個反應係：「用匯豐買美股咪得囉？」得係得，但...問題係貴得離譜。
本地銀行買一次美股，上落手續費幾百蚊走唔甩，你買少量股票會畀手續費食到淨返少少。
IB 完全唔同，全球最大電子交易平台之一，買一次美股手續費大概 1 美金左右（即八蚊港紙）。匯豐買一次嘅錢，可以畀你喺 IB 買十幾二十次。
Interactive Brokers（簡稱 IB）優勢好清楚：
係全球最大電子交易平台之一
買一次美股手續費約 US$1（即 HK$7.8 左右）
我自己買美股唔係成日炒上炒落嗰隻：
通常係揀好公司 → 買入 → 擺長線
所以「手續費平」對我嚟講係 底線要求
呢個純粹係我個人習慣，唔代表適合所有人。每個人應該根據自己需要揀平台，包括費用、介面、服務等。結語：由香港泳池，游出去美股大海
我而家嘅做法係：
保留港股作本地市場曝險
研究美股市場嘅科技與龍頭企業
用自己習慣嘅平台管理帳戶
有槓桿工具時保持審慎、按自身承受能力使用
以上純屬我個人分享，不構成任何投資建議或買賣推介。投資有風險，做決定前最好自己研究或諮詢專業意見。
免責聲明
本文僅分享個人觀察及經驗，內容並不構成任何投資、財務、法律或專業建議。所有市場示例、股票、平台提及皆屬個人經驗分享，並不代表任何形式的推介或意見。投資涉及風險，包括可能損失部分或全部本金；市場表現亦可能受政策、經濟及全球因素影響。在作出任何投資決定前，建議自行研究，或諮詢具牌照的專業人士。
留言