CoCo哥 開戶優惠
2026 美股開戶優惠比較:IBKR vs Webull vs 富途
最後更新:
Webull(2026年10月31日 完結)、富途(2026年10月31日 完結) 下面列出嘅迎新獎賞係上一期推廣,只作參考;新一期推廣請以券商官方最新公佈為準。
一句講晒:想長線投資美股、ETF,或者一個戶口投資全球多個市場,揀 IBKR;想交易成本最低、買賣美港股 0 佣金 0 平台費,新手可以先試 Webull;想抽港股新股、港股美股一個 App 搞掂,富途最就手。三間唔係互相排斥,你亦可以按用途開多過一個戶口。
| 券商 | 適合邊類人 | 主要特點 | 迎新獎賞 | 兌換碼 | 詳細教學 |
|---|---|---|---|---|---|
| 盈透證券 IBKR 全球 150+ 市場,美股低佣 | 長線投資美股、ETF,想用一個戶口投資全球多個市場嘅進階投資者 |
|
| 毋須 | 睇 IBKR 教學 |
| 微牛 Webull 港美股 0 佣金 0 平台費 | 想將交易成本壓到最低、主力買賣美股港股嘅新手 |
| 上一期推廣:2026年7月至10月31日
| 毋須(經 CoCo哥 連結開戶) | 睇 Webull 教學 |
| 富途牛牛 Futu 港股美股一個 App,新股認購方便 | 想抽港股新股、港股美股一個 App 搞掂嘅投資者 |
| 上一期推廣:14 周年慶,至 2026年10月31日
| CXXO256 | 睇 富途 教學 |
優惠內容以券商官方最新條款為準。本表資料整理自 CoCo哥 各券商教學文章,只作一般參考;券商次序唔代表排名。
其他 CoCo哥 專屬優惠
喺英國或者外地查美股資料、登入香港券商帳戶,好多讀者都會用 VPN。經 CoCo哥 連結(surfshark.com/cocogor)購買,或結帳時輸入優惠碼 COCOGOR,額外多送 4 個月 Surfshark。Surfshark 唔止加密連線,視乎方案仲有防詐騙保護、內置廣告攔截、資料外洩監察同電郵遮蔽等方案,保護你嘅券商同銀行帳戶。
盈透證券 IBKR:長線、全球市場之選
IBKR 於 1993 年正式成立,創辦人 Thomas Peterffy 早喺 1977 年已經開始做期權交易,而家係美國最大嘅互聯網經紀商之一。香港居民嘅戶口會喺盈透證券香港分部開立,受當地法規監管;戶口不設最低開戶資金要求,帳戶維護費亦已經喺 2021 年 7 月 1 日起取消。
CoCo哥 自己就係用 IB 買美股:細額買一次美股,手續費大約 US$1,同本地銀行上落動輒幾百蚊手續費差好遠,啱「揀好公司、買入、擺長線」嘅玩法。戶口內嘅閒置現金亦可以賺利息。
- 開戶時可以揀現金帳戶或保證金(孖展)帳戶
- 要填 W-8BEN(美國國稅局外國人納稅身份證明表格)
- 新帳戶通常 1–2 個工作日內批准,進度會用電郵通知
微牛 Webull:想慳交易成本嘅新手
Webull 係納斯達克上市公司,喺香港主打美股同港股交易 0 佣金、0 平台費,亦提供免費美股 Lv2 深度行情同港股 Lv1 串流報價。入金可以用 eDDA、FPS 轉數快、網上銀行轉賬、ATM 或者支票,綁定 eDDA 之後可以喺 App 內一鍵入金。
迎新方面,開戶後 30 日內入金或轉倉,按金額三揀一攞現金券;由其他券商轉倉過嚟,推廣期內仲可以報銷轉倉手續費(上限 HK$2,500)。要留意,現金券要落單交易先可以使用。
Webull 新推出免費嘅 AI 投資助手 Vega AI,支援廣東話語音,可以幫你發掘值得研究嘅個股、解讀企業財報,個人化策略功能(Vega AI Strategist)即將上線。AI 只提供分析參考,唔會自動落單,所有交易都要你自己確認;AI 生成內容可能有誤,不構成投資建議。
- 香港永久居民:身份證+3 個月內住址證明
- 非永久居民:身份證+簽證身份書(DI)+住址證明
- 現金券要訂單交易額 HK$1 或以上先可以使用
富途牛牛:抽新股、港美股一個 App
富途牛牛將港股、美股、新股認購集中喺一個 App:「新股中心」可以一鍵認購,現金認購免手續費,仲有自家暗盤交易。適逢 14 周年慶,至 2026年10月31日經 CoCo哥 連結開戶,入門賞約 HK$600 起,入金越多賞頭越大,進階賞最高 HK$100,000 股票現金券;入金前輸入兌換碼 CXXO256 再加 HK$200 現金券。
迎新獎賞睇「入金+維持日均資產」:按每日資產總和除以 60 日(進階賞 270 日)計,現金、股票、基金、期權、期貨、加密貨幣都計入。怕資金閒置,可以放部分落富途形容為低風險現金管理工具嘅「現金寶」,佢主要投資短期存款同政府債券,冇鎖定期。
- 入金前先去「我的」→「活動中心」→「兌換中心」→「輸入兌換碼」
- 開戶審核一般 1 個工作日內完成,會用電郵通知
常見問題
可唔可以同時開多過一間券商戶口?
可以。IBKR、Webull 同富途係三間獨立券商,喺一間開咗戶口唔會影響你喺另一間開戶,有啲投資者會按用途分開用,例如一個戶口長線持有、一個戶口抽新股。不過要留意:迎新獎賞一般只限該券商嘅新客戶,入金同資金留存要求亦係逐間分開計,要預算好資金會分散喺唔同戶口。
學生可唔可以開戶?有冇學生優惠?
富途今期周年慶推廣嘅對象係未開戶嘅新客戶,詳細資格(包括年齡同學生安排)以富途官方條款為準。IBKR 同 Webull 嘅教學文章冇提及學生專屬優惠,開戶資格請以官方為準。
唔係香港永久居民,可唔可以開戶?
Webull 教學列明,非永久居民需要提供身份證、簽證身份書(DI)同住址證明。富途推廣嘅對象係香港居民,或者持外國護照嘅海外人士,詳情以條款為準。IBKR 方面,香港居民嘅戶口會喺盈透證券香港分部開立。每間券商對身份同住址證明嘅要求唔同,開戶前最好睇清官方要求。
迎新獎賞幾時到帳?
以富途為例,完成入金同維持資產要求後,獎賞會喺 App「我的獎勵」顯示;美股贈股、比特幣同匯豐股份嘅實際數量按解凍日或領取前一日收市價計。Webull HK$200,000 或以上嗰兩級獎賞(HK$3,000 同最高 HK$100,000)會分 12 期、每 30 日發放一期。實際時間以各券商 App 顯示同條款為準。
要唔要交易先拎到獎賞?
睇券商。富途迎新主要睇「入金+維持日均資產」,一般唔需要交易都可以拎;但 KOL 加碼要先輸入兌換碼 CXXO256 再入金,次序錯咗好多時拎唔到。Webull 嘅現金券就要落單交易(交易額 HK$1 或以上)先可以使用。IBKR 教學文章冇列明迎新獎賞。
我住喺英國,可唔可以用呢啲優惠?
本頁列出嘅推廣係券商香港公司嘅推廣,主要面向香港居民。如果你已經住喺英國,應該揀受英國金融行為監管局(FCA)認可、服務英國客戶嘅券商實體開戶;部分券商喺英國有另一間公司,產品、收費同推廣都唔同。開戶前可以喺 FCA Financial Services Register(register.fca.org.uk)查核公司有冇獲得認可,亦要留意英國稅務(例如 ISA、資本增值稅)同香港唔同。
推廣期完咗點算?
券商會不定期更新推廣。本頁頂部有最後更新日期,新一期推廣嘅金額、門檻同期限,一律以券商官方最新條款為準;我哋會盡量喺各券商教學文章更新。
經 CoCo哥 連結開戶,對我有冇影響?
經本站連結開戶或完成指定要求,cashmate.hk 可能會收到券商支付嘅佣金。呢筆錢由券商支付,本站唔會向你收取任何費用;你喺券商嘅收費同獎賞,以券商條款為準。詳情可以睇本站嘅利益披露頁。
利益披露
本頁包含聯盟連結(標示為「廣告 · 聯盟連結」)。經連結開戶或完成指定要求,本站營運公司 4AM Property International Limited 可能會收到券商支付嘅佣金;本站唔會向你收取任何費用,佣金亦唔會影響我哋點寫。開戶按鈕嘅券商次序每次隨機排列,唔代表排名。本頁內容只供一般參考,並不構成投資建議。詳情請睇利益披露同免責聲明。